De Zeiddn endan sie

Verse 1:
Mensch und Kultur dreim in d`Zukunft, as Lehm is im Fluss
D’Wäid is im Wandl, vagähd, weils des muas
Mir sann in dem Teil der Gschicht
Wo vui lang do gwens zerbricht
Aba irgendwos stimmt doch do nicht
Wemma nur im neia Zukunft sichd

Verse 2:
Tradition is wia Wassa, sie rennd da durch d’Finga
Mach a Schaln koa Faust, weil du kosdas ned zwinga
In da Vassenheit zu bewahrn,
De Breich wias oiwei scho warn
Deaf ma sie ned festfahrn
Konserviads ohne Lehm is gstarm

Verse 3:
Wemma de Bauan im Dorf an zwoa Hendd obzäin kennan
Und mied oana de Junga, de no übanemman
Ma hetzt vo Termin zu Termin
Hinddafrogd vui zu säidn an Sinn
Ware ned mied vui weniga zfrinn
Wenne grod glücklich bin??


Chorus:
Dann woassdas gwies,
Dass soweid is
De Erkendnis kimmd, stäid sie vor di hi:
De Zeiddn endan sie


Verse 4:
24 Stund Nachrichtn, ständig miassns wos bringa
Informationsflut, drohma drinn zu dadringa
Wenn ois wose woas aus de Medien kimmd
Aba Gäid und Politik de Medien bestimmt
Und nur zum eigna Vorteil hernimmd
Woher woase dann no wos stimmt

Verse 5:
Wenn Freindschaft a Klick is und mehra aa ned
Liaba 20g Freind im Facebook, ois oan in da Realität
Wenn mei Nachbar mi ned indressiad
Da Mensch sie dahoam isoliad
Da Blickkontakt vamiedn werd
Samma erfolgreich anonymisiad


Chorus:
Wia vorher!!


Verse 6:
Da Wahnsinn auf da Wäid er gedeihd und er werd oiwei schlimma
Buidl vom Elend vaschwimman und kümman mi nimma
Wos gähd denn uns des oh??
Mir sengs vui z`offd, stumpfn oh
Und wer ned wegschaun ko,
Fangd as vazweifln oh


Verse 7:
Wos konn, wos soi, wos muas ma iadz aus dem Liad lerna??
Erkenntnis gibds ned gschenkt, na de muasd da vadeana!!
Mir kinnan da d`Wäid zoang ned erklärn
Du muasd säim wach wern
Aung auf macha, genau hihean
Und dann handln, di ned grod beschwern


Chorus 2:
Sunnsd woassdas gwies,
Dass soweid is
De Erkenntniss kimmd, stäid sie vor di hi:
De Zeiddn endan sie